दाङको राजनीति तातियो: पत्रकार भोजराज थापा रास्वपा प्रवेश गर्ने संकेत
दाङ । चर्चित पत्रकार भोजराज थापाले रास्ट्रिय स्वतन्त्र पार्टी (रास्वपा)मा प्रवेश गर्ने तयारी गरिरहेको स्रोतहरूले जनाएका छन्। विशेष स्रोतका अनुसार थापा आगामी केही दिनमै पार्टी अध्यक्ष रवि लामिछानेसँग भेटघाट गर्ने कार्यक्रम मिलाइरहेका छन्।
दाङका स्थानीय राजनीतिक चहल–पहल अनुसार थापा आगामी फाल्गुन महिनामा हुने निर्वाचनमा दाङबाट उम्मेदवार बन्न सक्ने चर्चा तीव्र रूपमा फैलिएको छ। लामो समयदेखि पत्रकारितामा सक्रिय रहेका उनी नेपाल तथा विदेशमा बसेर तयार गरेका भिडियो सामग्रीहरू सामाजिक सञ्जालमा व्यापक रूपमा हेरिने गरेका छन्।
थापाका सामग्रीहरूले युवाहरूमा प्रभावशाली पहुँच बनाइसकेको र यही लोकप्रियताले उनलाई राजनीतिक यात्रातर्फ डोर्याएको राजनीतिक विश्लेषकहरूको टिप्पणी छ। पार्टी प्रवेशबारे आधिकारिक घोषणा भने हुन बाँकी छ।








